Životna priča Štefice Galeković – Mraclin kakvog više nema (III. dio)

Pred vama je treći i posljednji dio razgovora sa Šteficom Galeković Buševčičinom, koja je kroz svoje uspomene ispričala gotovo cijelo jedno stoljeće života u Mraclinu.

U završnom dijelu prisjeća se vjerskog života, starih običaja, ljudi koji su obilježili naše mjesto te promjena koje je Mraclin doživio tijekom njezina života. Razgovor završava toplim riječima o obitelji, unucima i praunucima, koji su danas njezina najveća radost.

Koliko je vjera bila važan dio života nekadašnjeg Mraclina?

V cirkvu idem celi život, odkad sem dete bila. Bili smo bosi navek, pa me tak znalo v cirkve zebsti. Navek sem išla na križni put v Korizme, pa se i krunica molila. Ni bilo meši saki dan. Te stare žene su molile, sečam se Drage Cvetkove, strine Pavline, a mi deca smo se igrala oko cirkve, i jo sem navek išla v cirkvu, ni me nigdo tiral da idem. Mama više put ni ni znala de sem. Imela sem volu, kak i sad imam. Posle kad sem tu došla, imali smo puno posla, morala sam teliče raniti, dojiti, nisem mogla iti. Posle več kad je bil Domovinski rat, išla sem k meše, podojila sem ranije i navečer k meše.

Nekad v Mraclinu ni bilo meše, samo je bila na svetu Janu, baš taj dan i onda prvu nedelu posle, pa na svetog Florijana, na Vuzmeni pondelek i Duhovni pondelek, i kad je išel s križecom, na Drobne dece dan. Na Vidovo su Mraclinu bile tri meše, jutro, poldešna i popoldan. Tu je bil zagovor svetom Vidu, navek je bilo puno sveta. Na Božić smo išli Vukovinu pešice.

Kad je došel vlč. Slavko Šagud, onda su počele meše saku nedelu v Mraclinu. Rekel je da to prevelika župa, da bi njemu Mraclin i Okuje bili dosta za celu župu. I da bi kupil Šenovičkin čardak, ke bi bil farof. Ta su sela najviše išla k meše, i najviše penez davala, i on je rekel da bi to njemu bilo dosta. Slavek je i započel meše da su saki dan navečer, onda je vlč. Đuro Sabolek to nastavil.

Denes v naše cirkve vodim napamet litanije, a počela sem kad su meše bile v Domu zbog potresa. Prije mene je Slava Keksova vodila napamet litanije Krvi Isusove, a prije se uglavnom molilo i čitalo ze knjigi. Denes uz mene molitve prije meše najviše vode Nada Kos Garavina, Vera i Nada Bačekove, a negda i druge žene.

I jo sem išla Vukovinu pešice s prvom ekipom za Veliku mešu, i tam i natrag. To da se krene pešice je predložila Barek Filčekova, Filčekova sestra. Krenulo se 1993., a u početku je išlo jako puno ljudi, najviše ke se jo sečam da je bilo 127 ljudi.

Fali mi ke sad više nisu meše saki dan v Mraclinu, i ni saki put u isto vreme, pa više put ni ne znam da je, pak Maju po dva put znam pitati da je meša nek pogleda na mobitelu. Nekad je jutro, nekad popoldan, nekad petek, nekad četrtek. Ali dobro, tak mora biti.

Kojih se starih običaja posebno sjećate?

Negda su na Drobne dece dan, dečki išli s rodošem v hiže de su bile cure, to je 28. prosinca. Saki dečko je imal šibu i tukli su ze šibami po selu, pa su išli tak k curami, i dobili su od njih jabuke. Tak je moj Mladen ko dečec skupil celu vreču jabuk od dekel kaj je išel s rodošem, onda je pak njegva sestra Danica to sve podelila drugim dečkima ke su nje došli s rodošem. Pa je on bil žalosten, bil je još mali.

Pametim i jen običaj kad se hiža delala. Kad se treča rožnica stisnula na krov, to je bil znak da je hiža pod krovom i da je posel pri kraju. Onda se na krov dela zastava – turopolski ručnik, flaša vina, cveče i onuliko rupčeka kuliko je bilo majstora teri su delali na hiže. To je bil nekakof znak veselja i zafale majstorima za napravljeni posel, a i da celo selo vidi da je nova hiža pri kraju. Tak je bilo i na naše nove hiže kad se napravila 1969.

Kak sem rekla, pri nami v Mraclinu je bil zagovor svetom Vidu, i dolazili su ljudi od sekud. Zvonar, od tete Vere Kasunić deda, je prodaval “telca”, denes bi rekli tjelešca, to su bile kao figure od voska, mogel je to biti konj, krava, svinjče, čovek. I onda je narod to kupoval i s tim se išlo oko cirkve, molilo se, ko zagovor, i onda se to na kraju vrnulo zvonaru.

A nekad vam se išlo u snuboke. K mene nisu išli, jer ni trebalo, ali se znalo iti, pogotovo ako se neko ni dugo oženil. Moj je Mladen bil snubok kad su išli k Ožinčeku, pak su se pogajali, triput je išel k Vinku, jel da ovu zemlu, jel da onu zemlu, kulko bu penez dal, na neke je pristal, ali na neke bormeš ni. Ali su se dogovorili, i oženili.

Sečam se još da za svakog vatrogasca i njegovu ženu kad su mrli, les se nosil u našu cirkvu. Ne znam kad se s tim prestalo.

Kako se Mraclin promijenio od Vašeg djetinjstva do danas?

Jako se premenil, to si vi deca denes nemrete ni zamisliti. Nekad je Mraclinu bilo blato, pogotovo ova naša ulica, sim su bili čardaki pa ni bilo sunca, pa se celo proljeće taj sneg cmaril, kad su kola prešla to se samo blato delalo. Znali smo se Vukovine i preobuvati, jer smo svi došli zavalani koda smo ze šume došli. I tak je bilo sve dok se ni asfalt naredil. 

Imal je Mraclin negda i zubara, još sem bila dete, tu de je sad čekaona v ambulante. Sestra Anđela je tam imela i stan. Bila je ko doktor. Doktora ni bilo navek, pa se išlo po sestru Anđelu, ufala se i krv opustiti, tak je jemput naše mamice. Asanacije se ne sečam, ali znam da je onda bil doktor saki dan, tak su nam pripovedali. Mi se sestre Anđele nismo bojali, ali igenci, čim je neko rekel da ide sestra Anđela, oni su bežali. Jer je ona gledela jesu zamazani, šmrkavi ili kakvi, pa ih je znala špotati.

I danas, unatoč godinama, gotovo da ne možete bez vrta. Uz pomoć unuka Mire i njegove supruge Maje još uvijek sijete, sadite i brinete o povrću. Otkud Vam još uvijek tolika volja za radom?

Tak sem nafčena, a i kaj bum sedela v hiže? Dok morem hoditi, moram nekaj delati. To me drži. Ni to više veliki vrt kak je negda bil, al ima sega pomalo – paradajza, paprike, cikle, luka, vugorka, šalate… Maja i Miro mi puno pomoreju, a sad več i deca, Miro pripravi zemlu, pripelaju mi kaj treba, sejaju, sade, a jo komenderam, a i sama pomalo sadim, plevim i okopam kolko morem, kešnije berem i tak. Nisem više tak fletna i frčna kak sem bila, al još znam kaj i kak treba. Mene to veseli. Lepo je dojti na vrt, pogledati kak raste. Onda se kuva cikla, paradajz se kuva, dela se zimnica, kiseli se kaj treba. Navek velim, dok morem nekaj sama napraviti, bum napravila. To me veseli i bez toga si nemrem dan zamisliti.

Što biste željeli da mlađe generacije zapamte o nekadašnjem životu u Mraclinu?

Štela bi da mladi zapamte da se negda živelo skromno, ali lepo. Ni bilo puno, ali ni ni falelo. Ljudi su si pomagali, delali skupa, veselili se skupa i žalovali skupa. Kad je nekom trebalo pomoći, ni se pitalo zakaj ili kuliko bu trajalo, nego se išlo. Delalo se od jutra do mraka, ali se navečer znalo i zapopevati, podružiti se i nasmejati. Poštivali su se stariji, išlo se k meše i držalo se do reči. Denes je se nekak brže, sega ima više, ali mi se čini da su ljudi jedni za druge menje. Nek si mladi zapamte da se poštenje, delo, vjera u Boga i dobro srce navek isplate, a Mraclin i njegove običaje nek čuvaju, jer dok se to pamti, dotle selo živi.

Što Vas danas najviše veseli i ispunjava?

Moja familija. Imam kćer Branku na Ribnice, dva unuka lepa – Miru i Hrvoja, i pet praunukof još lepših – Mihaela i Miju, Luku, Isabellu i Franku. Kak je mene lepo, kak sem jo sretna, jo vam nemrem reči. Sad kad su bili na moru, ja se nis mogla ščekati da budu došli. Nisu oni pri mene, deca dojdu i otidu, ali to je tiho bilo, ovak jo njih čujem da hodiju, da su tu. I Maja i Miro su mi baš dobri, Maja ko da mi je kčer. Moja Mia svaku večer me dojde pozdraviti i reči: Baka laku noć, volim te. Jel more ke biti lepše od toga?

Ovim razgovorom privodimo kraju priču u kojoj je Štefica Galeković s nama podijelila svoja sjećanja na gotovo devet desetljeća života u Mraclinu. U njezinim smo pričama imali priliku upoznati Mraclin kakav je nekada bio – njegove ljude, običaje, svakodnevni život i događaje kojih se i danas rado prisjeća. Vjerujem da će ovi zapisi biti zanimljivi i vrijedni budućim generacijama.

Od srca zahvaljujem teti Štefici što nas je ugostila u svom domu, odvojila vrijeme i s nama podijelila brojne uspomene, događaje i običaje koje je proživjela. Posebno joj zahvaljujem na povjerenju s kojim je podijelila i neke teške, osobne i obiteljske trenutke. Bilo mi je veliko zadovoljstvo slušati njezine priče i zabilježiti ih za budućnost.

Posebnu zahvalu upućujem i Štefičinoj obitelji na velikoj pomoći i podršci tijekom pripreme tekstova, a posebno Maji i Miri Mravcu, koji su pomogli u prikupljanju fotografija, provjeri pojedinih podataka i njihovim dopunama, s ciljem da priča bude što točnija, potpunija i vjerodostojnija. Njihova pomoć bila je dragocjena u nastojanju da ove uspomene sačuvamo na najbolji mogući način. Zahvaljujem i Josipu Kosu, koji je svojim radom iza kamere zabilježio razgovore, fotografije i tonske zapise te tako pridonio da ove uspomene ostanu sačuvane i u audiovizualnom obliku.

Draga teta Štefica, želimo Vam prije svega puno zdravlja, mira, radosti i lijepih trenutaka u krugu Vaše obitelji. Hvala Vam što ste s nama podijelili dio svojih uspomena i tako sačuvali priče o vremenu i ljudima koji su obilježili Mraclin Vaše mladosti.

^{Fotografije sa snimanja razgovora, kolovoz 2025. (foto: Josip Kos)}

ŽIVOTNA PRIČA ŠTEFICE GALEKOVIĆ – I. DIO

ŽIVOTNA PRIČA ŠTEFICE GALEKOVIĆ – II. DIO