Životna priča Štefice Galeković – Mraclin kakvog više nema (I. dio)

Kako je izgledalo djetinjstvo u Mraclinu prije gotovo osamdeset godina? Kako se živjelo, radilo, slavilo i čuvalo običaje? O svemu tome razgovarali smo sa Šteficom Galeković, rođenom Galeković, ili kako ju svi poznajemo Šteficom Buševčičinom. Štefica je cijeli svoj život provela u Mraclinu i iz prve ruke svjedoči o vremenu koje je obilježilo brojne naraštaje našega mjesta.

U razgovoru nam je ispričala uspomene na obiteljsku pekarnicu, mesnicu i gostionicu, školovanje, dječje igre, seoske zabave, udaju sa samo 17 godina, težak rad na gospodarstvu, tkanje rubaca, stare običaje, vjeru, obiteljski život i brojne ljude koji su obilježili Mraclin. Njezina sjećanja vrijedan su zapis o svakodnevici, običajima i životu sela kakvog se danas mnogi prisjećaju s nostalgijom.

Razgovor sa Šteficom Galeković nastao je lani tijekom višesatnog druženja u njezinu domu, u kojem se prisjetila brojnih događaja, ljudi i običaja iz prošloga stoljeća. Zbog opsežnosti i vrijednosti njezinih sjećanja intervju objavljujemo u tri nastavka. Razgovor su vodili Matija Kos, glavni urednik portala Mraclin.hr, i Maja Mravec, suradnica portala te supruga Štefičina unuka Mire, dok je za video i tonsko snimanje bio zadužen Josip Kos.

Za početak, predstavite nam svoju obitelj i kuću u kojoj ste se rodili i odrasli?

Rođena sem 25. ožujka 1939. u one velike hiže pri cirkve, Pepekov grunt je to, po dede Pepeku kak smo ga zvali. Mislim da mi je babica pri porodu bila Marič Črničova, baka Števeka Kosa. Moji roditelji su Zora i Stanko Galeković. Stanko Galeković Pepekov je bil od tog Pepca sin, a rođen je 25. svibnja 1912. godine.  A Zora je bila od Ožine kći, djevojački Cvetnić, rođena je 1. travnja 1917.,  ona je bila od Esperanta sestrična. Ona je živela do Esperantovih, tam je bil veliki čardak, tam de je sad Bebek. Znam da se su ženili 1937. za fašejnek, to je bila onda veljača jer znam da je mama govorila da su se vozili ormari na Blaževo. Imam i brata, Stjepana Galekovića – Števiča Stankovog kak ga vi bolje znate, on je sedem let mlajši od mene. Z nami su još onda živeli i baka Dorka i deda Stjepan Pepek.

Čime su se bavili vaši roditelji i kako je izgledao život u vašoj obiteljskoj kući?

Moji su imeli pekaru, pa je tu bil jen pek, mesnicu smo imeli, pa je bil i jen mesar Števič, i dučan smo imeli i gostionu. To je sve moj deda imel i vodil, bil je dosta napredan za ono vreme, i ciglanu je imel svoju. Svu svoju decu je školal, svaki je imal svoj zanat. Moj otec je za peka išel, a ni štel biti pek, stric Franjo je bil mesar. Stric Lojz je završil školu, delal je na socijalu Zagrebu.

Mesnica je bila tak, da se saki tjeden jeno tele zaklalo, i dole podrumu smo imali ledenicu, od nekud se nabavil led i tak se čuvalo. Znal je otec iti s biciklinom i v košaru deti dve tri kile i tak prodavati. V mesnice je delal Luja, kaj je z Čiča bil, a pekare je delal Lelez, v male drvene hiže je živel de je sad Đo.

Kako pamtite školovanje u Mraclinu i Velikoj Gorici?

U Mraclinu sem išla 4 lete školu, a onda sem još išla 3 lete na Goricu do male mature. Prva vučitelica mi je bila Marija Mostovec, z njom smo išli i k meše, svaku nedelu. Skupili smo se v škole, i dva po dva, pešice smo išli k meše Vukovinu. I svakoga smo morali kad smo išli v školu ili ze škole pozdravljati sa “Falen Isus i Marija”. Tak nas je ona vučila. A onda je došel preokret, došli su Ružica i Drago Mesić za vučitele i onda smo morali pozdravljati sa “Zdravo”, križ su nam zeli ze škole. A pokojni Dušek je rekel: Reči svoje vučitelice da je i naša krava bila zdrava, pa je crkla. To se sve preokrenulo u dva tjedna.

Ja sem 1939. godište, ali sem išla s generacijom 1938. Moja generacije su stari Brko, Števič Ferdin, Zora Buščekova, Nada Blaževa, Anka Jojekova Lederova, z Okuj ih je puno bilo –  Kata Moharova i njen brat, pa je bilo dosta i igencof.  Nemrem se sad više setiti, ali bilo nas je baš puno, po pet nas je sedelo u jednom redu. Posle sem išla na Goricu tri lete, to smo išli pešice ili na becikline, a kad je bilo zima i sneg, onda je svaki dan jen tata vozil kojnima na sani. Išli smo kroz malu i veliku brv, pa nas je jemput i prehitilo ze sani. Sešta je bilo. Nakon tri lete, ja nis išla dalje, ostala sem doma, da nebi zakesnila zamuž.

Čega se najradije sjećate iz dječjih dana?

Ko dete sem se najviše družila s Ankom Jojekovom, bile smo tam susede, i starci su si bili dobri. Prije su ljudi imeli po jednog kojna, pa negda su moj tata i njezin tata delali skupa, sad nemre ni jen traktor stiči napraviti kaj su dva kojna, sve napravili za dve familije, i moju i nejnu. Sešta smo se ko deca igrali, trkičali, skakali prek špage, školice se igrali, sešta. Ni bilo igrački, ako je bila kakova lopta, to je bila ona napravlena ze čarapi.

Kako su izgledale zabave, proštenja i društveni život u nekadašnjem Mraclinu?

Svaku nedelu je bila zabava na Zgrade, svirali su Gajo, Brko, nejakov dečko z Gradić. Čim sem završila školu, išli smo na proščenja, v Novo Čiče pešice, tam je bil Ranjeni Isus, pa v Kuče isto pešice, sneg do kolena, na svetog Fabijana. Za Vidovo se sečam jeno leto da je bila zabava pri starom vatrogasnom spremištu, sviralo se i tancalo. Nosile smo robu kaj se doma šivalo, kupoval se materijal i šivalo se. Sečam se da su žene još k meše nedelu nosile pleserku i fertun, vrlo brzo su onda več došli šosi i kupovne bluze.

Kad su bile vatrogasne zabave, knajpe ili fašejnki, svaki je moral od doma donesti stolnjak, jer ni bilo društvenih ko denes. Saka žena si na čošku svoje ime napisala. A ke, drugi dan, kak se to sve na zabave napilo, trebalo je to onda najti. Onda je pokojni Sinko vodil brigu o tome, pa je to tam bilo de su bila mrtvečka kola, i onda smo si mi dolazile saka po svoj stolnjak.

A kad je bil fašejnek, ke je to bilo taj tork, ajoj mene, nesmem se ni setiti. A na Pepelnicu, muži su još bole noreli neg na fašenek, bili su pijani od noći prije, ni im bilo puno treba. Na Pepelnicu su se u poldan našli da bi pospravili sve od zabave, i onda kad su pospravili, onda su išli još po selu sve do cuga, dok nisu i sebe pospravili. Ali nisu oni doma pili sami, samo kad je tak bilo društvo.

Kad su bile vatrogasne zabave, onda su se nosile pozivnice po selu i pobirali su se penezi, i moj Mladen i Janton Jojekov su nedelu prije zabave to nosili, i normalno da su si pri sakom morali neke popiti. A peneze ke su skupili su nosili Frajne Mikininom, on je bil blagajnik. On je bil tam de je sad Zdravek Šršekov. Oni su nedelu ujutro otišli to nosit i brat peneze i došli su domom tek pondelek rano jutro. Mladen je moj imal fajn pajdašof, to su bili Janton Grof, Danec, Jura Amerikajnkin, Filček, pa i ovi stariji kak je Klipo, Jantač…

A vatrogasci su i vino po selu negda skupljali, na koli se lajt vozil, i saki je moral dati kantu vina, i to se to mešalo. Znalo se puno nabrati.

Udali ste se vrlo mladi. Kako pamtite svoje vjenčanje i prve godine braka?

Ženila sem se 12. rujna 1956., 17 let sem imala. Mladen je 1937. godište i mi smo se znali još ko deca, od škole, a venčali smo se crkve na Gorice, jer je baš našem vlč. Đure Makareviću mrla mati. Inače su pri nami, pri moje bake i kesnije mame, navek svećeniki jeli, ja sem dvorila, pa su me znali zafrkavati ko bu me venčal, i rekel je Đuro, Jurek smo ga zvali, pa valda te bum ja. Ali eto, tak se dogodilo da na kraju ni, pa nas je nekteri gorički. 

Do Gorice smo išli na kolima z kojni, a tu na dvorišču je posle bila fešta. Jela se juha, gulaš, pa bilo je tak pedeset svatov, svirali su Cicibani. Od doma sem k mužu donesla namještaj, kauč, blazine, tuhicu, poplune, jastuke, deke, i domače plahte i ručnike, i mužu gače, i košulju svadbenu sem mu morala kupiti. 

Kad smo se oženili, z nami je živela još i moja svekrva Jana, i jen sluga Poljak, Joža. On je bil štale, čistil, blago ranil, na pole z nami išel i sve je delal ke trebalo. Bil je tu od Drugoga svetskoga rata. On je bil Poljak, a svi su ga zvali Rus, a to ni štel ni čuti. 

^{Sve fotografije u vlasništvu su obitelji Štefice Galeković.}

Nastavlja se…