JOŠ MI NI ZA SPATEK ITI 

 Noćca tiha, prazne roke, 
 Mokre zvezde, mesec bel,
 Još mi ni za spatek iti, 
 Još bi nekaj reči štel.
  
 Oči težke, san me mori,
 Jutro taki već bu tu,
 Još mi oči ni za sklopit,
 Još bi rado gledel nju.
  
 Još mi ni za spatek iti,
 Ja još mira ne bum imal,
 Dok mi kušlec ne buš dala,
 Dok ti ruku ne bum diral.
  
 Još mi ni za spatek iti,
 Vanjkuša pod glavu deti,
 Još mi oči ni za sklopit,
 Trunu senji nebu zeti.
  
 A kad san na oči legne,
 Jutro kad na obluk dojde,
 Ja bum ovoj pesmi rekel,
 Nek vu tvoje srce pojde. 

Stihovi mraclinskog pjesnika Dražena Kosa napisani 15. srpnja 1994. godine. Pjesmu “Još mi ni za spatek iti” izveo je Pero Rogan 1995. godine na Festivalu kajkavskih popevki u Krapini.