Pomalo nam se približava vreme norenja. Rekli su stari ljudi da pametni noriju za Fašejnek, a bedaki celo leto. Negda su se v Mraclinu redovito održavale Fašejnske zabave, tork na sam Fašejnek teri ovo leto pada 13. veljače. Zabave su negda organizirali naši vatrogasci, a pripreme su trajale čez celo leto. Povorka je na Fašejnek išla čez celo selo, a sakojake spodobe bile su vu njoj. Na zabave se je Fašejnek osudil, a na Pepelnicu se je spalil i platil za sve nedaće kaj je napravil čez celo prethodno leto.
Ovo leto v tork, baš na 13. veljače ob 8 vur navečer v Društvenom domu v Mraclinu, Društvo žena iliti vaše „Anđele“, organiziraju Fašejnsku zabavu, pak vas lepo prosiju i pozivaju da dojdete lepo doterani, kak se i šika same prigode. Zebrale se budu i najlepše spodobe, a žene budu večitomu krivcu za se, Fašejnku, lepo dale do znanja za kaj mu se sudi i kakovum bu kaznum platil, kak bi se bilo po pravice i zakonu.
Na zabave nam budu igrali naši mraclinski tamburaši „Lajbeki“, pak dobre zabave ne bu manjkalo, a bu bila i tera kobasica za pojesti i nekaj malo i za popiti. Saki da bi vlezel nuter, bu ostavil 20,00 kuna na ulazu, čisto malo da pripomogne ženam kak bi se pripravile. Kak i negda, bu naranđi i pereclinof, kaj bute si sobom doma odnesli.
Najte se premišlati, lepo se zriktajte i dojdete z nami noret! Anđele vas čekaju!