Grozdje smo pobrali, mošt je otkipel, i treba ga – kak su i dedi naši – okrstiti, da nam postane mlado, fino vinčeko, za okrepu duše i tela. Krstili ga bumo 11. studenog 2017. v Društvenom domu v Mraclinu ob osem vur navečer, pak smo za tu prigodu pozvali biškupa Damira Šafara i njegove uzorite pomoćnike Ivicu Đuričića i Tomislava Galekovića Brku, da nam mošteka pokrstiju i v mlado vino pretvoriju. Za veselje i popevku pobrinuli se budu naši lepi mladi mraclinski dečki z tamburaškoga sastava „Lajbeki“.
Da bi mogel piti, moraš i dobro jesti, pak se bumo mi žene, „Anđele“ z Mraclina, pobrinule za pravi martinski jelovnik. Uz piće dobrodošlice, skuvale bumo finu domaću suvu vratinu i domaće mesnate kobase, spekle krvavice, a vuz sve to zdinstale kiselo zelje i zrestale kramper. Omesile bumo i štrukle, prave mraclinske s tropom, i još spekle fine domaće kolače, sve to za 60 kuna po osobe. Pijaču si bute posebno platili, a složile bumo i tombolu, tera bu saka dobitna. A de je martinjska guska, pitate se? Pečenu gusku bu na tombole dobil najsretniji gost, a oni teri budu imeli majnše sreče nek si poprave raspoloženje s pečenimi kostajni. I toga bude.
Svoje mesto morete rezerverati – i peneze donesti! – do 4. studenoga 2017. k našem deklam:
- Ksenije Nestorović, mobitel 091 547 6569
2. Jasne Čunović, mobitel 099 816 7070
3. Vesne Tafra, mobitel 091 735 6924
4. Dijane Vincek, mobitel 091 547 1104
Veselimu se vašemu dolasku, jer si morete puno popiti, svetomu Martinu se skroz posvetiti, a z Mraclina nikam ni treba iti!
