Plemenita sučija Mraclin u suradnje z Dučecom poziva na Jurjevski kres, v Šabariću, v nedelu, 23. travnja, a počelo bi se ob sedme vure navečer.
Dučec bu dopelal najmlajše folkloraše i najbolše tamburaše, a za malu dečicu bumo pripravili velike, velike balone. Imeli bumo prvi službeni prikaz Priče o Jankiču, pripovesti tera se po Mraclinu pripoveda več sto let, a skoro se i pozabila. Branil nas bu i čuval, ak bu trebalo i od Putina, Turopolski banderij. Došle budu i Dobre duše, znači da bu veselo. Pogodba gospodara i sluge na Jurjevskomu semnu, kak i do sad. Novi glumci, verujemo da bu dobro. Dojdete pa bute videli.
Kres bi vužgali oko osme vure. I još jeden mali ogen, da se naši dečki moreju pokazati gdo je najsrčeneši. A lepšemu spolu mi niš ne branimo, tak da bu još živeše. Stručni žiri bu odlučil komu ide priznanje. Od oblizekov najavljujemo „mraclinske prigrizke“ s još poboljšanom recepturom. Bude još i špeka, kobasof, kolačof, vina. To budeju servirale i lepo ponudile naše Anđele.
Dojdete! Slobodno pozovete i prijatele!
Vidimo se pri kresu!