Foto: Zvona Šafar

Odma posle Božića, v našem kraju krene blagoslov iži. Čak i oni koji idu k meše samo za gode ili kad se negdu ženi, krsti, firma, merne, smatraju blagoslov važnim događajem, a i ne žele biti obilježeni ko jedni od retkih koji župnika ne puste u svoj dom. To je ravno svetogrđu, da ne velim da se takva informacija vleče ko mrlja na toj familiji generacijama.

Dolazak župnika izaziva sveopće uzbuđenje već dan prije. Čisti se ono kaj se zamazalo od Badnjaka i čak ni sanitarna ne bi našla većih zamjerki. Na stol se naslaže sve kaj more župniku ili kapelanu biti od pomoći u spoznaji da ta familija drži do simbola svoje vjere: raspelo, blagoslovljena sveća, Biblija, sveta voda s nekakvom zimzelenom grančicom, već prema tomu kaj komu raste oko iže. Otprilike svi znamo v teru dobu je oko naše iže, al postrojavanje počne već ranom zorom. Dok ni bilo mobitelof, nagledavalo se čez obluk, sad se vesti šire virtualnim putem, al princip je isti.

Kad dojde v ižu, svi stojiju ko preparirani, kaj pita to mu odgovoriš, onda on zmoli, poškropi, ostavi pismo i sličicu za zakeljiti, ministrantu daš neke v žep i za to leto je blagoslov gotof. Gasiš sveću, još se časa oseti miris dima ak nisi mam zaslinil fitilj, svetu vodu vrneš flašu v tere je i bila, a grančicu nekam pikneš iako se nikad ne primle. Firunge vrneš na mesto jer skužiš da su u trenutku kad je došla depeša “Stiže!”, u toj brzini ostale razvlečene. Osetiš olakšanje – za ovo leto je gotovo.

Nis zaboravila spomenuti darek na tajneru ili v koverte, kak već ko daje, čisto zato kaj to neke župe nemaju i to je za saku pofalu, pa im se šele on line ili odnese osobno. Ak je nezgodni datum, onda je to malo problem al, kaj se mora ni žmeko. Caru carevo, Bogu Božje. Negda je ministrant zvonil sa zvončekom, al to je ukinuto da se ne bi stvarala prevelika buka, zato sad dojave idu drugim kanalima. Posle se svi osećamo blagoslovleno i sveto, i do drugog leta više niko ne bu došel koga bi se čekalo tak nestrpljivo i uzbuđeno.

Bogu fala da se taj običaj još drži gotovo ko negda, sa malim preinakama i da ga nisu pregazila ova tehnološki napredna vremena. Ipak je to za neke, jedini susret sa svojim duhovnim pastirima. A naljepnica, ona ima svoje mesto, najčešće na vratima, de se lepe redom, dok ima mesta ili dok se vrata ne farbaju ili menjaju. Zato ja svoje skupljam u nizu od par desetljeća jer su još jedini izvorni dokaz križeca.

S križecom završavaju božićni svetki i z njim se zaokruži cela priča. Do drugog leta, ak bumo živi i zdravi.

Foto: Ksenija Nestorović

Komentiraj

Ova web-stranica koristi Akismet za zaštitu protiv spama. Saznajte kako se obrađuju podaci komentara.